Jio, Airtel-க்கு சர்ப்ரைஸ் கொடுத்த BSNL..!

share on:
Classic

பி.எஸ்.என்.எல் இப்போது புதிய 4ஜி திட்டங்களை அறிமுகம் செய்துள்ளது. தினமும் 10 ஜிபி டேட்டாவை மாதம் 96 ரூபாயிலிருந்து வழங்குகிறது.

நெட்வொர்க் சேவைகளின் சராசரி இண்டர்நெட் வேகம் குறித்த ஜூலை மாதத் தகவலை கடந்த வாரம் TRAI வெளியிட்டது. அதில், பி.எஸ்.என்.எல் தற்போது நாட்டின் மிக வேகமான 3ஜி நெட்வொர்க்காக முதலிடத்தைப் பிடித்தது. மேலும், ஏர்டெல் மற்றும் வோடபோனின் நெட்வொர்க்கை மிகப்பெரிய வித்தியாசத்தில் தோற்கடித்தது பி.எஸ்.என்.எல்..

ரிலையன்ஸ் ஜியோவுடன் இணைந்து மாதத்திற்கு சந்தாதாரர்களைப் அதிகம் பெறும் ஒரே நிறுவனமாக அரசுக்கு சொந்தமான பி.எஸ்.என்.எல் ஆபரேட்டர். இந்த காரனத்தினாலே, நிதி சிக்கல்களால் பாதிக்கப்பட்டிருந்தாலும், பி.எஸ்.என்.எல் சிறப்பாக செயல்பட்டு வருகிறது. இப்போது 4 ஜி சந்தையை கைப்பற்றும் முயற்சியில், பிஎஸ்என்எல் இரண்டு புதிய 4 ஜி திட்டங்களை வெளியிட்டுள்ளது.

பி.எஸ்.என்.எல் பல 3ஜி திட்டங்களுடன் அதன் போட்டியாளர்களான ஏர்டெல், வோடபோன் மற்றும் பிற நெட்வொர்க்குகளை சமாளிக்கும் முயற்சியில் ஆக்ரோஷமாக இயங்கிவருகிறது. அதனைத் தொடர்ந்து, இப்போது 4ஜி சந்தையில் அடியெடுத்து வைத்துள்ள பி.எஸ்.என்.எல், அதிக வாடிக்கையாளர்களை அதன் சேவைகளுக்கு ஈர்க்கும் வகையில், இரண்டு புதிய டேட்டா பேக்குகளை அறிமுகப்படுத்தியுள்ளது. இதில் நியாயமான குறைந்த விலையில் அதிகப்படியான டேட்டா வழங்குகிறது.

இந்த இரண்டு டேட்டா பேக்குகளில் முதல் திட்டம் 96 ரூபாய் மட்டும் தான் என்பதே இதன் சிறப்பாகும். இந்த திட்டத்தின் மூலம், பி.எஸ்.என்.எல் 4ஜி சந்தாதாரர்கள் ஒரு நாளைக்கு 10 ஜிபி தரவைப் பயன்படுத்த முடியும். இந்த திட்டம் 28 நாட்களுக்கு செல்லுபடியாகும். இந்த திட்டம் நிறைய வீடியோ மற்றும் ஆடியோ ஸ்ட்ரீமிங் செய்பவர்களுக்கு, மிக சிறந்த தேர்வாக அமைந்துள்ளது. ஆனால், இந்த 96 ரூபாய் திட்டமானது, ஒரு டேட்டா பேக் மட்டுமே, என்பதை நினைவில் கொள்ளுங்கள். ஏனென்றால், இந்த திட்டத்தில், கால்கள் மற்றும் எஸ்எம்எஸ் தொடர்பான சேவைகள் நீங்கள் எதிர்ப்பார்க்க முடியாது. அதுமட்டுமல்ல, இந்த திட்டம் ஒரு குறிப்பிட்ட காலத்திற்கு மட்டுமே கிடைக்கும் என்பதையும் தெரிந்துகொள்ளுங்கள்.

அதேபோல், இரண்டாவது டேட்டா பேக்கின் விலை 236 ரூபாயாகும். இந்த திட்டத்தில், சந்தாதாரர்கள் பி.எஸ்.என்.எல் இன் 4ஜி நெட்வொர்க்கில் ஒரு நாளைக்கு 10 ஜிபி டேட்டாவைப் பயன்படுத்தலாம். இந்த டேட்டா பேக் மொத்தம் 84 நாட்களுக்கு செல்லுபடியாகும். 96 ரூபாய் திட்டத்தைப் போலவே, இந்த திட்டத்திலும் அழைப்பு அல்லது எஸ்எம்எஸ் சேவைகள் எதுவும் இல்லை.

மேலும், இந்த திட்டங்கள் தற்போது பிஎஸ்என்எல் தனது 4ஜி சேவையைத் தொடங்கிய வட்டங்களில் மட்டுமே கிடைக்கிறது. தற்போது, ​​பி.எஸ்.என்.எல் 4ஜி ஆந்திர மாநில வட்டத்தில் கிடைக்கிறது. அதன்பின் நெட்வொர்க் சோதனைகள் முடிந்ததும் மற்ற மாநிலங்களில் வணிக ரீதியாக வெளியிடப்படும் என்று எதிர்பார்க்கப்படுகிறது.

ஜியோ, ஏர்டெல் அல்லது வோடபோன் வழங்கும் 4ஜி சேவைகளைப் போல, பி.எஸ்.என்.எல் 4ஜி சேவையிலும் VoLTE சேவை சப்போர்ட் ஆகுமா என்பதை பி.எஸ்.என்.எல் இதுவரை குறிப்பிடவில்லை. எனவே, தற்போது கிடைத்துள்ள தகவலின்படி, பி.எஸ்.என்.எல்-ன் இந்த புதிய 4ஜி சேவைகளுடன், நீங்கள் 4ஜி டேட்டா வேகத்தை அணுக முடியும். மேலும், தற்போதுள்ள பிஎஸ்என்எல் 3ஜி மற்றும் 2ஜி பயனர்கள் தங்கள் சிம் கார்டுகளை 50 ரூபாய் செலுத்தி 4ஜி கார்டாக மேம்படுத்திக்கொள்ள முடியும். BSNL-ன் 4ஜி எண்ட்ரி, ரிலையன்ஸின் ஜியோ, ஏர்டேல், வோடபோன் போன்ற போட்டியாளர்களிடையே, தற்போதைக்கு அதிர்ச்சியை ஏற்படுத்தி இருக்கும்.

News Counter: 
100
Loading...

Ragavan