“ஊழலில்” நீந்தும் உள்ளாட்சித்துறை அமைச்சரிடம் உரிய பதில் இல்லை : ஸ்டாலின் கடும் சாடல்

share on:
Classic

சென்னையில் நிலவும் தண்ணீர் பஞ்சம் குறித்து விளக்கம் அளிக்க “ஊழலில்” நீந்தும் உள்ளாட்சித்துறை அமைச்சரிடம் உரிய பதில் இல்லை என்று திமுக தலைவர் மு.க.ஸ்டாலின் கடுமையாக விமர்சித்துள்ளார்.

தண்ணீர் பஞ்சம் தொடர்பாக டுவிட்டர் பக்கத்தில் மு.க.ஸ்டாலின் தெரிவித்த கருத்தில், தண்ணீர் இல்லாமல் பள்ளிகள், பல உணவகங்கள் மூடப்பட்டு வருவதாக சுட்டிக்காட்டினார். “ஐ.டி கம்பெனிகள் தங்களது ஊழியர்களை இல்லத்தில் இருந்தே பணியாற்ற உத்தரவிட்டுள்ள அவல நிலைமை சென்னைக்கு வந்தது ஏன்?” என்றும் கேள்வி எழுப்பியுள்ளார். இதற்கெல்லாம் “ஊழலில்” நீந்தும் உள்ளாட்சித்துறை அமைச்சரிடம் உரிய பதில் இல்லை என்றும் கருத்து தெரிவித்துள்ளார். தான் ஏற்கனவே விடுத்த வேண்டுகோளை ஏற்று திமுகவினர் ஆங்காங்கே குடிநீர் விநியோகம் செய்து வருவது ஆறுதலாக இருந்தாலும், பொதுமக்களுக்கு குடிநீர் வழங்கும் பணியை தங்களால் மேலும் இயன்றவரை முனைப்புடன் நிறைவேற்றிட வேண்டும் என திமுக நிர்வாகிகள் மற்றும் சட்டமன்ற உறுப்பினர்களுக்கு வேண்டுகோள் விடுத்துள்ளார்.

News Counter: 
100
Loading...

Ragavan