இனவாத கலவரங்களை தூண்டிவிடுகிறார் : அமித்ஷா மீது மம்தா குற்றச்சாட்டு

share on:
Classic

மத்திய உள்துறை அமைச்சர் அமித்ஷா இனவாத கலவரங்களை உருவாக்க, பாஜக தொண்டர்களை தூண்டிவிடுவதாக மம்தா பானர்ஜி குற்றம் சாட்டியுள்ளார். 

இதுதொடர்பாக பேசிய மேற்குவங்க முதலமைச்சர் மம்தா பானர்ஜி அம்மாநிலத்தில், மார்க்சிஸ்ட் கம்யூனிஸ் கட்சியும் பாஜகவும் காதல் வயப்பட்டுள்ளதாக குற்றம்சாட்டினார். மேலும் ஜூனியர் டாக்டர்களின் போராட்டத்திலும் அவர்கள் பின்னால் இருந்து செயல்படுவதாக தெரிவித்தார். மேலும் பேசிய அவர் “ இந்த போராட்டத்தை நான் வன்மையாக கண்டிக்கிறேன். அவர்களின் வேலைநிறுத்தத்திற்கு பாஜக மற்றும் கம்யூனிஸ்ட் கட்சி செய்த சதியே காரணம். அவர்கள் இருவரும் இந்து முஸ்லீம் பிரச்சனைகளை தூண்டிவிடுகின்றனர். அவர்களின் காதல் விவகாரகத்தை பார்த்தால் எனக்கு ஆச்சர்யமாக இருக்கிறது. பாஜக தலைவர் அமித்ஷா இனவாத பதற்றத்தை உருவாக்கும்படி தங்கள் தொண்டர்களை தூண்டிவிடுகிறார்” என்று மம்தா தெரிவித்தார். 

முன்னதாக பொதுத்தேர்தல் முடிந்த பிறகு மேற்குவங்கத்தில் திரிணாமூல் கட்சியினருக்கும், பாஜகவினருக்கும் ஏற்பட்ட வன்முறை சம்பவங்களில் பலர் உயிரிழந்தனர், மேலும் பலர் காயமடைந்தனர். இந்த சம்பவங்களுக்கு இரு கட்சிகளுமே பரஸ்பரம் குற்றம்சாட்டி வருகின்றனர் என்பது குறிப்பிடத்தக்கது.
 

News Counter: 
100
Loading...

Ramya