தேர்தல் ஆணையர்களுக்கு இடையே கருத்து மோதல் : மேலும் ஒரு தன்னாட்சி அமைப்பு சீர்குலைவு என சிதம்பரம் சாடல்..

share on:
Classic

மோடி ஆட்சியில் மேலும் ஒரு தன்னாட்சி அமைப்பு சீர்குலைவு என சிதம்பரம் சாடியுள்ளார். 

பிரதமர் மோடி மற்றும் பா.ஜ.க தலைவர் அமித் ஷா மீதான, தேர்தல் நடத்தை விதிமீறல் புகார் தொடர்பான விசாரணையின் போது, தனது கருத்து ஏற்கப்படாதது குறித்து அதிருப்தி தெரிவித்து, தலைமை தேர்தல் ஆணையர் சுனில் அரோராவுக்கு, தேர்தல் ஆணையர் அசோக் லவாசா கடிதம் எழுதியுள்ளார். இனி தேர்தல் ஆணையத்தின் கூட்டங்களில் பங்கேற்கப்போவதில்லை என கடிதத்தில் அவர் குறிப்பிட்டுள்ளதாகவும் தகவல் வெளியானது. இது சர்ச்சையானதை அடுத்து, அதற்கு விளக்கமளித்து அறிக்கை வெளியிட்டுள்ள தலைமை தேர்தல் ஆணையர் சுனில் அரோரா, மூன்று தேர்தல் ஆணையர்களும் ஒருவரைப் போல் மற்றவர்களும் சிந்திப்பார்கள் என எதிர்பார்க்கக் கூடாது என தெரிவித்துள்ளார்.

இந்நிலையில் சுதந்திரமாக செயல்படும் அதிகாரம் கொண்ட தேர்தல் ஆணையமும் மோடி ஆட்சியின் கீழ் சீர்குலைக்கப்பட்டுள்ளதாக காங்கிரஸ் மூத்த தலைவர் ப.சிதம்பரம் கடுமையாக விமர்சித்துள்ளார். இது தொடர்பாக டிவிட்டரில் கருத்து பதிவிட்டுள்ள அவர், தேர்தல் ஆணையத்தின் நடவடிக்கைகளை மக்கள் தெரிந்து கொள்ளக் கூடாது என கூறுகிறாரா தலைமை தேர்தல் ஆணையர் என்று கேள்வி எழுப்பியுள்ளார். புகாருக்கும் பதிலுக்குமான இடையே உள்ள தொடர்பை தான் கண்டுபிடிக்க முயற்சிப்பதாகவும் அவர் கூறியுள்ளார்.

News Counter: 
100
Loading...

Ramya