உணவுப் பாதுகாப்புத் துறை அதிரடி ஆய்வு : சென்னையில் 5000 தண்ணீர் கேன்கள் பறிமுதல்..

share on:
Classic

சென்னையில்  3 இடங்களில் உணவு பாதுகாப்பு துறை அதிகாரிகள்  நடத்திய சோதனையில் சுகாதாரமற்ற 5000 தண்ணீர் கேன்கள் பறிமுதல் செய்யப்பட்டன. 

கோடை வெயில் காரணமாக தமிழகம் முழுவதும் தண்ணீர் பற்றாக்குறை நிலவுகிறது. பொதுமக்கள் தண்ணீருக்காக நீண்ட நேர காத்திருக்க வேண்டிய சூழ்நிலை ஏற்பட்டுள்ளது. இந்த நிலையில் சென்னையில் நிலவும் குடிநீர் பஞ்சத்தை பயன்படுத்தி, தனியார் தண்ணீர்  உற்பத்தி நிறுவனங்கள் சுகாதாரமற்ற குடிநீரை கேன்களில் அடைத்து விற்பனை செய்வதாக உணவு பாதுகாப்புத்துறை அதிகாரிகளுக்கு புகார்கள் வந்தன. இதையடுத்து, கோயம்பேடு , கொளத்தூர், வேளச்சேரி ஆகிய 3 இடங்களில் சோதனை மேற்கொண்ட உணவு பாதுகாப்புத்துறை அதிகாரிகள், சுகாதாரமற்ற 5 ஆயிரம் தண்ணீர் கேன்களை பறிமுதல் செய்தனர். சுகாதாரமற்ற தண்ணீர் கேன் வினியோகம் செய்பவர்களை பற்றி 94440 42322 என்ற செல்போன் எண்ணில் புகார் செய்யலாம் என உணவு பாதுகாப்புத்துறை அதிகாரிகள் தெரிவித்தனர்.

News Counter: 
100
Loading...

Ramya