ஆவின் பால் விநியோகம் செய்யும் டேங்கர் லாரிகள் டெண்டர் ரத்து

share on:
Classic

ஆவின் பால் விநியோகம் செய்யும் டேங்கர் லாரிகளுக்கான டெண்டரை சென்னை உயர் நீதிமன்றம் ரத்து செய்து உத்தரவிட்டுள்ளது. 

ஆவின் பால் விநியோகம் செய்ய, 312 டேங்கர் லாரிகளை ஒப்பந்த அடிப்படையில் நியமிக்க, கடந்த ஜனவரியில் தமிழ்நாடு கூட்டுறவு பால் உற்பத்தியாளர்கள் சம்மேளனம் டெண்டர் கோரியது. இந்த டெண்டரை எதிர்த்து தனியார் நிறுவனம் ஒன்று சென்னை உயர்நீதிமன்றத்தில் வழக்கு தொடர்ந்தது. வழக்கை விசாரித்த நீதிமன்றம், மறு உத்தரவு பிறப்பிக்கும் வரை டெண்டரை இறுதி செய்யக் கூடாது என உத்தரவிட்டிருந்தது. 

இந்நிலையில் டெண்டரை இறுதி செய்ய தடை விதிக்க கோரி இரண்டு தனியார் நிறுவனங்கள் சார்பில் சென்னை உயர் நீதிமன்றத்தில் வழக்கு தொடரப்பட்டது. இந்த வழக்குகளை விசாரித்த நீதிபதி, தேர்தல் அறிவிப்பு வெளியிடப்பட்ட பிறகு டெண்டர் அறிவிப்பு வெளியிட்டது சட்டவிரோதம் என கூறி டெண்டரை ரத்து செய்து உத்தரவிட்டார்.

 

News Counter: 
100
Loading...

aravind