கோடை காலத்தில் முகத்தை பராமரிக்க என்ன செய்ய வெண்டும்..?

share on:
Classic

வெயிலில் வெளியே சென்று வந்தால் முகம் கருக்கிறதா..? சருமம் வரண்டு பொலிவை இழந்துவிடுகிறதா..? இதை தடுக்க என்ன செய்யலாம்..? இதோ உங்களுக்காக சில டிப்ஸ்...

பல நாட்கள் காப்பாற்றி வந்த சருமம், கோடையில் நொடியில் கருமையாகிவிடும். இதனை தவிர்க்க வெயிலில் வெளியில் சென்று வந்த பின் இதை முகத்திற்கு போட்டு வந்தால் சருமத்தின் நிறத்தை பாதுகாக்கலாம். உங்கள் சருமத்தின் நிறத்தை பாதுகாப்பதோடு, மேலும் அதிகரித்துக் கொள்ளுங்கள்.

என்ன செய்யவேண்டும்..?
பேக்கிங் சோடாவை நீர் சேர்த்து பேஸ்ட் செய்து, முகத்தில் தடவி 15 நிமிடம் ஊற வைத்து, பின் கழுவ வேண்டும். இப்படி வெளியே சென்று வீட்டிற்கு வந்ததும் செய்து வந்தால், முகத்தில் நல்ல மாற்றம் தெரியும்.

வாழைப்பழத்தை மசித்து, அதில் சிறிது பால் சேர்த்து கலந்து, முகம் மற்றும் கழுத்தில் தடவி 20 நிமிடம் ஊற வைத்து கழுவ வேண்டும். இப்படி தினமும் 2 முறை செய்து வந்தால், இரண்டே நாட்களில் முகத்தின் பொலிவு கூடியிருப்பதை காணலாம்.

பன்னீரில் சிறிது பால் சேர்த்து கலந்து, தினமும் இரவில் படுக்கும் முன் தடவி, மறுநாள் காலையில் கழுவ வேண்டும். இப்படி செய்து வந்தால், முகத்தில் உள்ள கருமை நீங்கி, முகம் வெள்ளையாக பளிச்சென்று தோன்றும்.

கற்றாழையில் உள்ள ஜெல்லைக எடுத்து தினமும் முகத்தில் 20 நிமிடம் மசாஜ் செய்து வந்தால், முகத்தில் வரும் பருக்கள் மற்றும் கரும்புள்ளிகள் நீங்கி, முகம் அழகாகவும் வெள்ளையாக மாறியிருப்பதையும் காணலாம்.

மாம்பழத்தின் தோலை பால் சேர்த்து பேஸ்ட் போல அரைத்து, முகம் மற்றும் கழுத்தில் தடவி 20 நிமிடம் ஊற வைத்து பின் கழுவ வேண்டும். இப்படி செய்து வந்தால், சூரியக்கதிர்களால் கருமையான சருமம் வெள்ளையாகி பொலிவோடு மின்னும்.

சர்க்கரையில் சிறிது எலுமிச்சை சாறு சேர்த்து, அதனைக் கொண்டு சருமத்தை மசாஜ் செய்தால், சருமத்தில் உள்ள இறந்த செல்கள் அனைத்தும் நீங்கி, சரும துளைகளில் உள்ள அழுக்குகள் அனைத்தும் வெளியேறி, சருமம் பொலிவோடு காணப்படும்.

கோடை காலத்தில் முக்கியமாக தண்ணீர் குடிக்கும் அளவை அதிகரிக்க வேண்டும். தண்ணீர் அதிகம் குடிப்பதால், உடலில் உள்ள நச்சுக்கள் (டாக்ஸின்) அனைத்தும் வெளியேறி, சருமம் பொலிவோடு காணப்படும். தினமும் குறைந்தது 10 டம்ளர் தண்ணீரை அவசியம் குடிக்க வேண்டும்.

News Counter: 
100
Loading...

Ramya