ஐஆர்சிடிசியின் மூத்த குடிமக்களுக்கான டிக்கெட் விலை சலுகைகள்..!!

share on:
Classic

இந்திய ரயில்வே துறை மூத்த குடிமக்களுக்கு டிக்கெட் விலையில் பல்வேறு சலுகைகளை அளித்து வருகிறது.

டிக்கெட் விலைச்சலுகைகள் :

நாட்டின் மிகப்பெரிய பொதுத்துறை நிறுவனமாக இந்திய ரயில்வேத்துறை விளங்குகிறது.  ஐஆர்சிடிசி அல்லது இந்திய ரயில்வே கேட்டரிங் மற்றும் டூரிஸம் கார்ப்பரேஷன் என்ற இணையதளத்தின் மூலம் ஆன்லைனிலும் டிக்கெட் பெற்றுக் கொள்ளலாம். ஆன்லைனில் டிக்கெட் முன்பதிவு செய்யும் போது மூத்த குடிமக்கள், பத்திரிகையாளர்கள் மற்றும் மாற்று திறனாளிகள் ஆகியோருக்கு சலுகைகள் வழங்கப்படுகின்றன. 

மூத்த குடிமக்களுக்கான சலுகை :

ஐஆர்சிடிசி இணையதளம் மூலம் டிக்கெட் முன்பதிவு செய்யும் மூத்த குடிமக்களுக்கு, சலுகை கிடைக்கும் வசதி செய்யப்பட்டுள்ளது. இந்த சலுகையில் மூலம் உண்மையான டிக்கெட் விலையிலிருந்து 40 முதல் 50 சதவீதம் குறைவான விலையை பெற முடியும். 

மூத்த குடிமக்கள் சலுகை பெற தெரிந்து கொள்ள வேண்டிய முக்கியம்சங்கள் :

  • டிக்கெட் விலை சலுகை என்பது அண், பெண் என இருபாலர் மூத்த குடிமக்களுக்கு உண்டு. 60 வயதை கடந்த ஆண்களும், 58 வயதை கடந்த பெண்களும் சலுகை பெற தகுதியானவர்கள்.
  • மெயில், எக்ஸ்பிரஸ், ராஜ்தானி, சதப்தி, ஜன் சதப்தி, துரந்தோ என அனைத்து ரயில்களுக்கும் இந்த விலை சலுகை பொருந்தும்.
  • மூத்த குடிமக்கள் சலுகையில் பயணிக்கும் பயணிகள் தங்கள் வயதிற்கான் அடையாள அட்டையை கொண்டு செல்ல வேண்டும்.
  • மூத்த குடிமக்களுக்கு முழு விலை சலுகை, பகுதி விலை, அல்லது உண்மையான விலை என்ற 3 தேர்வுகள் இருக்கும். டிக்கெட் முன்பதிவு செய்யும் போது அவர்களுக்கு தேவையான தேர்வை அவர்கள் தேர்ந்தெடுக்கலாம்.
  • இதேபோல் பாதி விலையில் பயணிக்க விரும்பினால், அவர்கள் 50% விலைச்சலுகையை அவர்கள் தேர்ந்தெடுத்து 50 சதவீத விலையில் பயணிக்கலாம்.
News Counter: 
100
Loading...

Ramya