இறுதிக்கட்ட வாக்குப்பதிவு : உ.பி முதல்வர், பீகார் முதல்வர் வாக்களித்தனர்..

share on:
Classic

உத்தரபிரதேச முதலமைச்சர் யோகி ஆதித்யநாத், கோரக்நாத் கோயிலில் சாமி தரிசனம் செய்துவிட்டு மக்களவைத் தேர்தலுக்கான தனது வாக்கினை பதிவு செய்தார். 

மக்களவைத் தேர்தலுக்கான இறுதி கட்ட வாக்குப் பதிவு இன்று 59 தொகுதிகளில் நடைபெறுகிறது. இதில் உத்தரபிரதேச மாநிலத்தில் பிரதமர் மோடி போட்டியிடும் வாரணாசி உட்பட 13 தொகுதிகளில் இன்று வாக்குப் பதிவு நடைபெறுகிறது. பாஜக வேட்பாளர் ரவிகிஷான் போட்டியிடும், கோரக்பூர் மக்களவைத் தொகுதியில் இன்று  வாக்குப் பதிவு நடைபெறுகிறது. இந்த தொகுதியில் வாக்களிக்க இருக்கும் முதலமைச்சர் யோகி ஆதித்யநாத், கோரக்பூர் பகுதியில் உள்ள கோரக்நாத் கோயிலில் சாமி தரிசனமும் செய்தார் தனது வாக்கினை பதிவு செய்தார்.

பீகாரில் உள்ள பாட்னா மக்களவைத் தொகுதியில் அந்த மாநில முதலமைச்சர் நிதிஸ் குமார் தனது வாக்கினைப் பதிவு செய்து செய்தியாளர்களை சந்தித்து பேசினார். அதில், ஒவ்வொருக் கட்ட தேர்தலுக்கும் நீண்ட இடைவெளி உள்ளதாகவும் இதுதொடர்பாக அனைத்து கட்சி தலைவர்களுக்கும் கடிதம் எழுதியதாகவும் கூறினார். அதேபோல் பாட்னாவில் உள்ள 49-வது வாக்குச் சாவடிகளில் பீகார் மாநில துணை முதலமைச்சர் சுஷில் குமார் மோடி தனது வாக்கினை பதிவு செய்தார்.

தற்போதையை நிலவரப்படி பிஹாரில் 18 புள்ளி 90 சதவீத வாக்குகளும், ஹிமாச்சல் பிரதேசத்தில் பூஜ்ஜியம் 25 புள்ளி 58 சதவீத வாக்குகளும் மத்திய பிரதேசத்தில் 29 புள்ளி 44 சதவீத வாக்குகளும் பதிவாகியுள்ளன. இதேபோல் பஞ்சாபில் 23 புள்ளி 36 சதவீத வாக்குகளும் உத்தரப் பிரதேசத்தில் 23 புள்ளி 16 சதவீத வாக்குகளும் மேற்கு வங்கத்தில் 32 புள்ளி 15 சதவீத வாக்குகளும், ஜார்கண்டில் 30 புள்ளி 33 சதவீத வாக்குகளும் சண்டிகரில் 22 புள்ளி 30 சதவீத வாக்குகளும் பதிவாகியுள்ளன.

News Counter: 
100
Loading...

Ramya