ஸ்டெர்லைட் போராட்ட துப்பாக்கிச்சூடு நினைவு தினம் : தூத்துக்குடியில் 2000 போலீசார் குவிப்பு

share on:
Classic

ஸ்டெர்லைட் ஆலைக்கு எதிரான போராட்டத்தின் போது, தூத்துக்குடி துப்பாக்கிச்சூட்டில் உயிரிழந்த 13 பேரின் முதலாம் ஆண்டு நினைவு தினம்  அனுசரிக்கப்படுவதையொட்டி, பாதுகாப்பு பலப்படுத்தப்பட்டுள்ளது. 

உயிருக்கு அச்சுறுத்தல் ஏற்படுத்தும் தூத்துக்குடி ஸ்டெர்லைட் தாமிர ஆலையை மூட வேண்டும் என்று கடந்த ஆண்டு குமரெட்டியாபுரம் மக்கள் தங்கள் போராட்டத்தை துவங்கினர். இந்த போராட்டம் அருகில் உள்ள 13 கிராமங்களுக்கும் பரவியது. போராட்டத்தின் 100 ஆவது நாளில் ஆட்சியர் ஆலுவலகத்தை முற்றுகையிட பேரணியாக சென்ற மக்கள் தடுத்து நிறுத்தப்பட்டதால் கலவரம் மூண்டது. 

அதை தொடர்ந்து போலீஸ் துப்பாக்கிச்சூடும் தடியடியும் நடத்தியதில் 13 பேர் உயிரிழந்தனர். துப்பாக்கிச்சூட்டில் 13 பேர் உயிரிழந்ததன் ஓராண்டு நினைவஞ்சலி அனுசரிக்கப்பட உள்ளது. இந்நிலையில், வன்முறை ஏதும் ஏற்படாமல் தடுக்க போலீஸ் பல்வேறு நடவடிக்கைகளை எடுத்து உள்ளது. தூத்துக்குடி முழுவதும் 2000 போலீஸ் மற்றும் 26 சுங்கச் சாவடிகளுடன் கண்காணிக்கப்பட்டு வருவதாக மாவட்ட காவல்துறை கண்காணிப்பாளர் முரளி ரம்பா கூறியுள்ளார்.

 

News Counter: 
100
Loading...

aravind