CWC19 : தொடரும் சோகம்.. 49 ரன்கள் வித்தியாசத்தில் பாகிஸ்தானிடம் தோல்வியடைந்த தென்னாப்பிரிக்கா..!

share on:
Classic

பாகிஸ்தான், தென்னாப்பிரிக்கா அணிகள் இடையே நடைபெற்ற ஆட்டத்தில் 49 ரன்கள் வித்தியாசத்தில் பாகிஸ்தான் அணி வெற்றி..

லார்ட்ஸ் மைதானத்தில் நடைபெற்ற உலகக்கோப்பை லீக் ஆட்டத்தில் பாகிஸ்தான், தென்னாப்பிரிக்கா அணிகள் மோதின. அதில், டாஸ் வென்ற பாகிஸ்தான் அணி பேட்டிங்கை தேர்வு செய்தது. தொடக்க வீரர்களாக இமாம்-உல்-ஹக் மற்றும் ஃபக்கர் ஜமான் களமிறங்கினர். இருவரும் தொடக்கம் முதல் நிதானமான ஆட்டத்தை வெளிப்படுத்தி அணியின் ஸ்கோரை படிப்படியாக உயர்த்தினர்.
தாஹிர் ஓசிய ஓவரில் இருவரும் அடுத்தடுத்து வெளியேற அவரை அடுத்து களமிறங்கிய பாபர் ஆசாம் நிதானமான ஆட்டத்தை வெளிப்படுத்தி 80 பந்துகளுக்கு 69 ரன்கள் சேர்த்து வெளியேறினார். பின்னர் வந்த ஹரிஸ் சோஹைல் அதிரடி காட்டி 59 பந்துகளுக்கு 89 ரன்கள் சேர்த்து அவுட்டானர். ஆட்ட நேர இறுதியில் 7 விக்கெட் இழப்பிற்கு 308 ரன்கள் சேர்த்து தனது இன்னிங்ஸை நிறைவு செய்தது பாகிஸ்தான். 

309 ரன்கள் என்ற கடின இலக்குடன் தொடக்க வீரர்களாக ஆம்லா, குயின்டன் டி கோக் களமிறங்கினர். அவர்களில், ஆம்லா 2 ரன்களில் LBW முறையில் வெளியேறி அணிக்கு அதிர்ச்சி அளித்தார். அவரை தொடர்ந்து டு பிளெசிஸ் களமிறங்கிய குயின்டன் டி கோக் உடன் இணைந்து அணியின் ஸ்கோரை உயர்த்தினார். குயின்டன் டி கோக் 47 ரன்னிலும், டு பிளெசிஸ் 63 ரன்னிலும் வெளியேற பின்னர் வந்த வீரர்கள் நிலையான ஆட்டத்தை வெளிப்படுத்தாத காரணத்தால், தென்னாப்பிரிக்க அணி 50 ஓவர் முடிவில் 259 ரன்கள் சேர்த்து 49 ரன்கள் வித்தியாசத்தில் பாகிஸ்தான் அணியிடம் தோல்வியடைந்தது. நடந்து வரும் உலகக்கோப்பையில் தென்னாப்பிரிக்க அணி நிலையான ஆட்டத்தை வெளிப்படுத்த முடியாமல் தடுமாறி வருவது குறிப்பிடத்தக்கது.      
 

News Counter: 
100
Loading...

Saravanan