அரசியல் எதிரியான சந்திரசேகர ராவ் இணைந்தாலும் வரவேற்போம் : பாஜகவுக்கு எதிரான கூட்டணிக்கு சந்திரபாபு அழைப்பு..

share on:
Classic

அரசியல் எதிரியான சந்திரசேகர ராவ் இணைந்தாலும் வரவேற்போம் என்று கூறியுள்ள சந்திரபாபு நாயுடு பாஜகவுக்கு எதிரான கூட்டணிக்கு அழைப்பு விடுத்துள்ளார். 

ஆந்திர முதல்வரும், தெலுங்கு தேசம் கட்சியின் தலைவருமான சந்திரபாபு நாயுடு, நேற்று மார்க்சிஸ்ட் கம்யூனிஸ்ட் கட்சியின் பொது செயலாளர் சீதாராம் யெச்சூரி, ஆம் ஆத்மி நிறுவனர் அரவிந்த கெஜ்ரிவால் ஆகியோரை நேற்று சந்தித்து பேசினார். தேர்தல் முடிவுகளுக்கு பிறகான கூட்டணி குறித்து அப்போது ஆலோசனை நடத்தினார். மேலும் காங்கிரஸ் தலைவர் ராகுல்காந்தி, பகுஜன் சமாஜ் தலைவர் மாயாவதி ஆகியோரை சந்திரபாபு இன்று சந்திக்க உள்ளதாக தகவல் வெளியாகி உள்ளது.

பாஜகவிற்கு எதிரான கூட்டணியில் எந்த கட்சி இணைந்தாலும், அதனை வரவேற்பதாகவும், இதுதொடர்பாக தான் ஒவ்வொரு தலைவரையும் சந்தித்து வருவதாகவும் தெரிவித்தார். ஆலோசனை முடிந்த பிறகு தங்கள் முடிவை அறிவிப்போம் எனவும் சந்திரபாபு கூறினார். தெலங்கானா முதல்வர் சந்திர சேகர ராவ் இணைந்தாலும் வரவேற்போம் என்று அவர் கூறியுள்ளார். ஆந்திரா தெலங்கானாவில் அரசியல் எதிரிகளாக இருக்கும் தெலங்கானா ராஷ்டிரிய சமிதியின் கட்சியின் மூத்த தலைவர்களிடமும் இது தொடர்பாக ஆலோசனை நடத்தப்பட்டதாக தகவல் வெளியாகி உள்ளது.

இதனிடையே தெலங்கானா முதலமைச்சர் சந்திரசேகர ராவ், காங்கிரஸ், பாஜக அல்லாத 3-வது அணியை உருவாக்கும் முயற்சியில் தீவிரமாக ஈடுபட்டு வருகிறார். கடந்த வாரம் கேரள முதலமைச்சர் பினராயி விஜயனை சந்தித்த அவர், திமுக தலைவர் ஸ்டாலினையும் சந்தித்தார் என்பது குறிப்பிடத்தக்கது. 

News Counter: 
100
Loading...

Ramya