ராகுல் காந்தி காங்கிரஸ் கட்சி தலைவராக நீடிப்பார் : செயற்குழு கூட்டத்தில் தீர்மானம்..!

share on:
Classic

ராகுல் காந்தி தலைவர் பதவியில் தொடர்ந்து நீடிப்பார் என்று காங்கிரஸ் கட்சியின் செயற்குழு கூட்டத்தில் திர்மானம் நிறைவேற்றப்பட்டுள்ளது.

17-வது மக்களவைத் தேர்தலில் 52 தொகுதிகளில் மட்டும் காங்கிரஸ் கட்சி வெற்றி பெற்றது. காங்கிரஸ் கட்சி சந்தித்துள்ள இந்த படுதோல்விக்கான காரணம் குறித்து டெல்லியில் அக்கட்சியின் செயற்குழு கூட்டம் நடைபெற்றது. இந்த கூட்டத்தில் ராகுல் காந்தி, சோனியா காந்தி, முன்னாள் பிரதமர் மன்மோகன் சிங், அம்பிகா சோனி, உள்ளிட்ட காங்கிரஸ் கட்சியின் மூத்த தலைவர்கள் கலந்துகொண்டனர்.

முன்னதாக, காங்கிரஸ் கட்சியின் தோல்விக்கு பொறுப்பேற்று ராகுல் காந்தி பதவி விலக உள்ளதாக தகவல் வெளியானது. இதற்கு காங்கிரஸ் கட்சி மறுப்பு தெரிவித்தது. இந்நிலையில், காங்கிரஸ் கட்சியின் செயற்குழு கூட்டத்தில், ராகுல் காந்தியே காங்கிரஸ் கட்சியின் தலைவராக நீடிப்பார் என்று தீர்மானம் நிறைவேற்றப்பட்டுள்ளது. மேலும், காங்கிரஸ் கட்சி தொடர்பாக அனைத்து முடிவுகளையும் எடுக்கும் முழு அதிகாரம் ராகுல் காந்திக்கு அளித்து தீர்மானம் நிறைவேற்றி ஒப்புதல் அளித்துள்ளனர்.

News Counter: 
100
Loading...

Ragavan