பயங்கரவாதம் தொடர்பாக இந்தியாவுடன் பேச்சுவார்த்தை நடத்த தயார் : இந்தியா தயக்கம் காட்டுவதாக பாகிஸ்தான் குற்றச்சாட்டு..

share on:
Classic

பயங்கரவாதம் தொடர்பாக இந்தியாவுடன் பேச்சுவார்த்தை நடத்த தயாராக உள்ளதாக தெரிவித்துள்ள பாகிஸ்தான், ஆனால் அதற்கு இந்தியா தயக்கம் காட்டுவதாகவும் கூறியுள்ளது. 

பாகிஸ்தானின் வெளியுறவு செய்தி தொடர்பாளர் முகமது ஃபைசல் செய்தியாளர்களை சந்தித்த போது “ பயங்கரவாதம் தொடர்பாக பாகிஸ்தான் இந்தியாவுடன் பேச்சுவார்த்தை நடத்த தயாராக உள்ளது. காஷ்மீர் விவகாரம் உட்பட அனைத்து பிரச்சனைகளையும் அமைதியான பேச்சுவார்த்தை மூலம் சரிசெய்ய முடியும் என்பதே எங்கள் நோக்கம். ஆனால் இந்த விவகாரத்தில் இந்தியா பேச்சுவார்த்தை நடத்த தயக்கம் காட்டுகிறது” என்று கூறினார்.

மே 21, 22 ஆகிய தேதிகளில் கிர்கிஸ்தானில் நடைபெற உள்ள ஷாங்காய் கோ ஆபரேஷன் நிறுவனம் சார்பில் நடத்தப்படும் ஆலோசனை கூட்டத்தில் இந்திய வெளியுறவு அமைச்சர் சுஸ்மா ஸ்வராஜ் மற்றும் பாகிஸ்தான் வெளியுறவு அமைச்சர் ஷா முகமது குரேஷி ஆகியோ கலந்துகொள்ள உள்ளனர். இந்த நிலையில் இந்தியா பேச்சுவார்த்தை நடத்த தயக்கம் காட்டுவதாக பாகிஸ்தான் தெரிவித்துள்ளது. 

கடந்த பிப்ரவரியில் புல்வாமாவில் ஜெயிஷ் இ தீவிரவாதி தற்கொலைப்படை தாக்குதல் நடத்தியதில் 40 சிஆர்பிஎஃப் வீரர்கள் கொல்லப்பட்டனர். இதனைத்தொடர்ந்து பிப்ரவரி 26-ம் தேதி இந்திய விமானப்படை பாலகோட்டில் உள்ள ஜெயிஷ் இ முகாம் மீது வான்வழி தாக்குதல் நடத்தியது. இதனையடுத்து இந்தியா பாகிஸ்தான் இடையே மோசமான சூழல் நிலவி வருகிறது.
 

News Counter: 
100
Loading...

Ramya