இந்துக்கள் யார், ஆர்.எஸ்.எஸ் யார் என பிரித்து பார்க்க வேண்டும் : கோட்சே குறித்த கருத்துக்கு கமல்ஹாசன் விளக்கம்..

share on:
Classic

இந்துக்கள் யார், ஆர்.எஸ்.எஸ் யார் என்பதை பிரித்து பார்க்க வேண்டும் என்று கோட்சே குறித்த கருத்துக்கு கமல்ஹாசன் பதிலளித்துள்ளார். 

சென்னை விமானத்தில் மக்கள் நீதி மய்யம் கட்சி தலைவர் கமல்ஹாசன் செய்தியாளர்களிடம் பேசினார். அப்போது “நான் கோட்சே குறித்து மெரினாவில் பேசிய கருத்தை தான், மீண்டும் பேசினேன். ஆனால் அது தேர்தலுக்காக பெரிதுப்படுத்தப்படுகிறது. மோடி அவர்களுக்கு நான் பதில் சொல்ல வேண்டியதில்லை, சரித்திரம் பதில் சொல்லும். பிரதமர் மோடி அபார ஞானம் உள்ளவர் என்று பலரும் நினைத்து கொண்டிருப்பதால், அவருக்கு பதில் சொல்ல சரித்திர ஆசிரியர்கள் உள்ளனர். நாங்கள் அமைதியை காக்க எல்லா நடவடிக்கைகளிலும் ஈடுபடுகிறோம். நான் கைதுக்கு பயப்படவில்லை, கைது செய்தால் மேலும் பதற்றம் அதிகரிக்கும், என்னுடைய அறிவுரை. அதை செய்யாமல் இருப்பது நல்லது. சூலூரில் பதற்றம் நீடிக்கும் பட்சத்தில் ஏன் அங்கு தேர்தலை ரத்து செய்யக் கூடாது. நேற்றை பிரச்சாரக்கூட்டத்தில் பிரச்சாரம் உருவாகவில்லை, உருவாக்கப்படுகிறது. தீவிரவாதம் எல்லா மதங்களிலும் உள்ளது. அதை தான் வரலாறு கூறுகிறது. என் நாக்கை அறுக்க வேண்டும் என்ற ராஜேந்திர பாலாஜியின் கருத்து அவரின் உண்மையான குணத்தை காட்டுகிறது. இந்துக்கள் யார், ஆர்.எஸ்.எஸ் யார் என்பதை பிரித்து பார்க்க வேண்டும். அரசியல் குறுக்கீட்டால் சூலூர் பிரச்சாரம் பாதிக்கப்பட்டுள்ளது” என்றும் தெரிவித்தார். 
 

News Counter: 
100
Loading...

Ramya